Yuri Kim, ambasadorja e SHBA në Shqipëri ka takuar kryedemokratin Lulzim Basha. Ajo ka ndarë në llogarinë e Ambasadës Amerikane një foto nga takimi me të.
Ajo shkruan se një opozitë e fortë e me vështrimin përpara është themelore për demokracinë. Kim ndër të tjera vë theksin se me Lulzim Bashën diskutoi për luftën kundër korrupsionit në vend.
“Faleminderit kryetarit të PD-së Lulzim Basha për takimin e shkëlqyer mbi çështje kryesore në marrëdhëniet SHBA-Shqipëri, përfshirë mënyrat për të forcuar institucionet demokratike, luftën ndaj korrupsionit & rritjen e investimeve amerikane në Shqipëri nga veriu në jug. Një opozitë e fortë, me vështrimin përpara është themelore për demokracinë”,-shkruan ambasadorja e SHBA ndër të tjera.
