Erion Veliaj është paditur në SPAK nga Partia Demokratike. PD e Bashës ka çuar Veliajn në institucionin më të besuar të vetë Lali Lekut. E themi këtë, pasi në përgjimin e publikuar disa ditë më parë, Veliaj i kërcënonte anëtarë të FSHF-së se nuk do i ndahej me SPAK dhe me prokurori.
Partia Demokratike ka kallëzuar në SPAK Kryetarin e Bashkisë dhe zyrtarë të tjerë të Bashkisë Tiranë për shpërdorim detyre dhe shkelje e barazisë së pjesëmarrësve në tendera. Në kallëzim evidentohet se Bashkia Tiranë si autoritet kontraktor ka kualifikuar dhe shpallur fitues në tenderat e rindërtimit në lagjen 5 Maj në Tiranë, me vlerë më shumë se 10 milion euro, kompaninë në pronësi të shtetasit Anton Gjinaj alias Pashk Rapi, person me rekorde të rënda kriminale.
