Ashtu si edhe vendi ynë, Greqia është përfshirë nga moti ekstrem disa gradë nën zero dhe me reshje të dendura dëbore. Shumë njerëz u gjendën të papërgatitur dhe disa prej tyre dëbora e madhe i bllokoi në rrugë. Të ndodhur në këto kushte, një shofer i një kompanie private që mbeti i bllokuar për disa orë në Attiki Odos ka bërë një gjest shumë human.
Duke parë që ushtria s'po mbërrinte t'i nxirrte nga aty ku kishin ngecur, shoferi i kamionit nuk është menduar dy herë por ka hapur kamionin dhe ka nisur të shpërndajë ushqime për njerëzit e tjerë.
“Rreth orës 11 të mëngjesit kam hyrë në Attiki Odos me kamionin e kompanisë. I pyeta nëse kalon apo do të kemi problem dhe më thanë, “po kalon normalisht”. Pas rreth 6 kilometrash ndaluam, asgjë nuk po lëvizte përpara. Isha midis unazës në Ymittos dhe daljes së Kantzës. Kisha bërë 45 minuta rrugë ose gati 1 orë”- tha ai për mediat greke.
Burimi: Protothema | Përktheu dhe Përshtati: JOQ Albania
