Goditet me thikë një person në Korçë

Shkruar nga: V Gashi | Publikuar më: 22.11.2026, 19:45

Një plagosje me thikë ka ndodhur këtë të diel në fshatin Neviçisht të Korçës, ku një 30-vjeçar, i identifikuar si Anxhelo Brisku, ka mbetur i dëmtuar në sup dhe në shpinë.

Sipas informacioneve paraprake, gjatë deklarimeve të tij, 30-vjeçari ka pretenduar se është goditur nga disa persona, të cilët thotë se nuk i njeh.

Pas ngjarjes, ai është transportuar në spitalin e Korçës, ku ka marrë ndihmën mjekësore dhe raportohet jashtë rrezikut për jetën.

Edhe Policia ka dhënë një informacion paraprak për rastin, duke bërë me dije se i riu është dëmtuar me mjet prerës gjatë një konflikti të çastit në rrugë, në fshatin Neviçisht.

Rrethanat e plota të ngjarjes mbeten ende për t'u sqaruar, ndërsa policia po vijon hetimet për identifikimin e personave të përfshirë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit