Humb jetën Shefi i Krimeve të Rënda Vlorë

Shkruar nga: M Gjini | Publikuar më: 16.11.2026, 19:12

Një aksident i rëndë automobilistik i ndodhur mbrëmjen e sotme në autostradën Fier-Vlorë i ka marrë jetën Shefit të Krimeve të Rënda në Policinë e Vlorës, Ermal Lulaj.

Ngjarja e rëndë ka ndodhur në afërsi të Novoselës, ku automjeti me të cilin udhëtonte zyrtari i policisë është përplasur me një mjet të tonazhit të rëndë, të llojit skrep. Si pasojë e goditjes së fortë, Ermal Lulaj ka ndërruar jetë në vend ngjarje.

Nga ky aksident ka mbetur i plagosur edhe një person tjetër, i cili është transportuar me urgjencë drejt Spitalit Rajonal të Vlorës për të marrë ndihmën e nevojshme mjekësore.

Në vendngjarje kanë mbërritur menjëherë shërbimet e Policisë dhe grupi hetimor, të cilët po punojnë për të zbardhur dinamikën e plotë, shkaqet dhe rrethanat e këtij aksidenti tragjik.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit