Ka momente kur fjalët nuk mjaftojnë për të përshkruar madhështinë e zemrës së shqiptarëve. Dhe ky është një prej tyre!
Vetëm pak orë pasi historia e 17-vjeçarit Erind Goçllari preku zemrat e mijëra njerëzve, shqiptarët u bashkuan për t’i dhënë atij dhe familjes së tij shpresën për një jetë më të mirë.
Plot 109.233 paund, ose rreth 130.860 euro, janë mbledhur deri tani!
Pas çdo donacioni qëndron një zemër, një dorë e zgjatur dhe një njeri që nuk qëndroi indiferent përballë vështirësive të kësaj familjeje.
Sot Erindi nuk është vetëm. Pas tij qëndrojnë mijëra shqiptarë që dëshmuan se solidariteti nuk njeh kufij dhe se, kur bëhemi bashkë, mund të ndryshojmë jetën e dikujt.
Faleminderit secilit që kontribuoi, që shpërndau historinë dhe që u bë pjesë e kësaj mrekullie njerëzore.
Sot nuk u mblodhën thjesht para. U mblodh dashuri, humanizëm dhe shpresë për një familje që ka nevojë për to.
Kjo është fuqia e shqiptarëve kur bëhen bashkë!
