Në ditën e nëntë të revoltës studentore, të rinjtë i japin një tjetër mesazh kryeministrit Edi Rama.
Për të dytën ditë radhazi, studentët refuzojnë ftesën e tij për dialog. Këtë mbrëmje, para Kryeministrisë, ata kanë ndërmarrë edhe një akt simbolik, duke djegur një karrige që përfaqësonte mundësinë e dialogut të ofruar nga kreu i qeverisë.
Mesazhi i tyre është i qartë: nuk duan të ulen në tryezë me Ramën, por kërkojnë largimin e tij.
Protesta vijon ende, ndërsa studentët duket se nuk kanë ndërmend të tërhiqen nga kërkesat e tyre.
Përballë një kryeministri që u ofron dialog, studentët përgjigjen me një karrige të djegur.
