Pamje shqetësuese vijnë nga protesta e sotme në Tiranë, ku një vajzë e re ka mbetur e plagosur dhe pa ndjenja në tokë, pasi një granatë gazi lotsjellëse ka shpërthyer shumë pranë saj.
Në video, e reja shihet e shtrirë në tokë, ndërsa situata në protestë vijon të jetë e tensionuar. Pas incidentit, ajo është marrë nga ambulanca dhe është transportuar drejt spitalit për të marrë ndihmë mjekësore.
Përdorimi i gazit lotsjellës, plumbave të gomës dhe ndërhyrjet e dhunshme të efektivëve kanë shoqëruar protestat e ditëve të fundit, ku janë raportuar edhe arrestime të shumta e protestues të plagosur.
Pamjet ngrenë pikëpyetje serioze mbi pasojat që po shkaktojnë ndërhyrjet policore dhe sigurinë e qytetarëve të pranishëm në protestë.
Deri më tani, nuk ka informacion të konfirmuar për gjendjen shëndetësore të vajzës.
