Një punëdhënës i është drejtuar redaksisë së JOQ Albania për të denoncuar vjedhjen e parave të një punonjëseje brenda ambienteve të biznesit, pranë Shkëmbit të Kavajës.
Pamjet e kamerave të sigurisë tregojnë një person me kapele të bardhë dhe çantë shpine që afrohet në zonën e biznesit dhe futet në ambientet e tij.
Fillimisht, personi kontrollon banakun, fletoret dhe sirtarët, përpara se të largohet nga ambienti.
Pak më vonë, ai rikthehet dhe merr një çantë dore ngjyrë kafe. E hap, nxjerr kuletën dhe kontrollon paratë që ndodhen brenda saj.
Në pamje shihet qartë momenti kur ai merr kartëmonedhat, i numëron dhe më pas i fut në xhep. Çantën e lë sërish mbi banak dhe largohet.
Sipas denoncuesit, paratë i përkisnin një punonjëseje të biznesit.
Në fund të videos shfaqen pamjet e personit, ndërsa redaksia kërkon ndihmën e qytetarëve për identifikimin e tij.
Nëse e njihni personin në pamje ose keni informacion që mund të ndihmojë në sqarimin e rastit, mund të kontaktoni redaksinë e JOQ Albania.
JOQ Albania publikon pamjet e kamerave të sigurisë dhe mbetet e hapur për reagimin e personit të përfshirë dhe institucioneve përgjegjëse.
