Një incident ka ndodhur përjashta ambienteve të Kuvendit të Shqipërisë, ku një aktiviste është përplasur verbalisht me deputetin dhe ish-ministrin socialist, Ulsi Manja.
Ajo ka filmuar momentin kur Manja po dilte nga ndërtesa e Parlamentit dhe i është afruar duke i thirrur me zë të lartë: "O hajdut!".
Aktivistja e ka publikuar videon në rrjetet sociale, ku shihet reagimi i zyrtarit të lartë socialist teksa largohet nga oborri i Kuvendit. Pamjet janë shpërndarë me shpejtësi në internet, duke nxitur reagime dhe komente të shumta nga publiku.
