Detaje të reja janë zbardhur nga ngjarja e rëndë e ndodhur në Fermë-Çlirim, ku një 70-vjeçar ka humbur jetën pasi banesa ku jetonte u përfshi nga flakët.
Sipas burimeve policore, viktima, Flamur Braçe, jetonte i vetëm dhe ishte i paralizuar në njërën këmbë, çka e kishte bërë të pamundur lëvizjen dhe largimin nga banesa në momentin kur shpërtheu zjarri.
Dyshohet se flakët janë shkaktuar nga një shkëndijë elektrike, ndërsa zjarri përfshiu edhe çatinë e banesës. Si pasojë, çatia është shembur dhe ka rënë mbi 70-vjeçarin, duke i shkaktuar vdekjen.
Në vendngjarje ndodhen shërbimet zjarrfikëse dhe forcat e policisë, ndërsa vijojnë veprimet për dokumentimin e plotë të rrethanave të ngjarjes.
