Një qytetar i është drejtuar redaksisë së JOQ Albania për të denoncuar vjedhjen e biçikletës së tij pranë një farmacie, përballë Maternitetit të Ri në Tiranë.
Sipas tij, ngjarja ka ndodhur mëngjesin e 23 shtatorit, rreth orës 04:58. Në pamjet e kamerës së sigurisë shihet një person i veshur me rroba të errëta që afrohet te shkallët e hyrjes së farmacisë, ku ndodhet biçikleta.
Personi merr biçikletën, hipën mbi të dhe largohet me shpejtësi përgjatë trotuarit.
Qytetari i bën thirrje personit që e ka marrë biçikletën ta kthejë atë brenda 24 orëve nga publikimi i denoncimit, përpara se pamjet t'u dorëzohen autoriteteve.
Ai gjithashtu kërkon që kushdo që mund të ketë informacion mbi biçikletën ose që mund ta ketë blerë atë, të njoftojë pronarin ose autoritetet.
