Një ngjarje e rëndë ka ndodhur mbrëmjen e sotme në kryeqytet, ku një person është plagosur me armë të ftohtë.
Sipas të dhënave paraprake, ngjarja ka ndodhur në afërsi të shkollës “Petro Nini Luarasi”. I plagosuri është transportuar menjëherë drejt spitalit për të marrë ndihmën e nevojshme mjekësore.
Për momentin nuk dihen ende rrethanat e plota se si ka ndodhur ngjarja, ndërsa mbeten të paqarta motivet dhe identifikimi i autorëve të përfshirë në plagosje.
Policia pritet të zbardhë detajet e mëtejshme rreth ngjarjes.
