Një qytetar i është drejtuar redaksisë së JOQ Albania, pas një aksidenti të ndodhur në Lundër, Tiranë.
Në pamjet e kamerave të sigurisë shihet një automjet që afrohet nga pas, përplas makinën e qytetarit dhe më pas largohet nga vendi.
Sipas denoncuesit, drejtuesi duket se po përdorte telefonin në momentin e përplasjes.
“Më kanë kapur makinën dhe janë larguar. Kam videon nga kamerat. Më mirë të shfaqet vetë para se të bëj denoncim.”
Qytetari kërkon që drejtuesi i automjetit të paraqitet për të sqaruar rastin, përpara se pamjet t’u dorëzohen autoriteteve.
JOQ Albania publikon pamjet e kamerave të sigurisë, me shpresën që drejtuesi i automjetit të identifikohet dhe të japë sqarime për ngjarjen.
