Pas vendimit të Gjykatës Speciale në Hagë, këngëtarja me origjinë nga Kosova, Rita Ora, ka reaguar përmes disa postimeve në rrjetet sociale.
Në një prej publikimeve të saj, ajo ka shpërndarë një imazh me simbolikën e Ushtrisë Çlirimtare të Kosovës (UÇK), ku shkruhej: “Sot po luftojmë për Kosovën që e quajmë shtëpi.”
Rita Ora ka publikuar gjithashtu edhe një fotografi tjetër ku shfaqet duke bërë me duar simbolin e shqiponjës dykrenare.
Postimet e saj kanë marrë vëmendjen e ndjekësve, ndërsa këngëtarja ka shprehur përmes tyre një mesazh simbolik për Kosovën dhe identitetin shqiptar.
