Një vendim i ri është marrë nga Drejtoria e Arsimit në Komunën e Prishtinës, një ditë para vendimit të paralajmëruar në Hagë.
Të gjitha shkollat në kryeqytet janë udhëzuar që nesër, më 16 shtator, orën e parë të mësimit t’ia kushtojnë Ushtrisë Çlirimtare të Kosovës, historisë së luftës për çlirimin e vendit dhe kontributit të çlirimtarëve.
Sipas njoftimit, mësimdhënësit do t’i trajtojnë këto tema në mënyrë të përshtatshme për moshën e nxënësve, duke përfshirë edhe procesin gjyqësor në Hagë ndaj ish-krerëve të UÇK-së.
Nga Komuna e Prishtinës kanë bërë të ditur se qëllimi i kësaj ore është që nxënësit të njihen me historinë e afërt të Kosovës dhe të reflektojnë mbi rëndësinë e lirisë, paqes dhe kujtesës historike.
