Një aksident i rëndë trafiku me fatalitet ka ndodhur sot rreth orës 13:40 në fshatin Jasiq të Junikut.
Sipas Policisë së Kosovës, në aksident është përfshirë një katërçikletë, ndërsa drejtuesi i saj ka humbur jetën në vendin e ngjarjes.
Lajmin e ka konfirmuar zëdhënësi i Policisë për Rajonin e Pejës, Driton Rugova, i cili bëri të ditur se viktima është konstatuar pa shenja jete nga ekipi mjekësor.
“Në këtë aksident ishte e përfshirë një katërçikletë. Si pasojë e aksidentit, vozitësi i katërçikletës ka ndërruar jetë në vendin e ngjarjes”, ka deklaruar Rugova.
Në vendin e ngjarjes kanë dalë njësitet policore, ekipi mjekësor dhe prokurori i shtetit.
Me urdhër të prokurorit, trupi i pajetë është dërguar në Institutin e Mjekësisë Ligjore në Prishtinë për obduksion.
Rasti po hetohet nga njësitet përkatëse.
