Një zjarr i përmasave të mëdha ka përfshirë zonën malore dhe kullosat në fshatin Hereq të Gjakovës, duke djegur rreth 150 hektarë sipërfaqe.
Flakët kanë kërkuar angazhim të madh nga ekipet e zjarrfikësve, të cilët kanë punuar gjatë gjithë ditës për ta vënë situatën nën kontroll dhe për të parandaluar përhapjen e zjarrit në zona të tjera.
Gjatë ndërhyrjes, njëri prej zjarrfikësve ka pësuar lëndime dhe është dërguar për trajtim nga ekipi i ambulancës.
Sipas njoftimit të zjarrfikësve, gjendja e tij shëndetësore është stabile.
Në aksion kanë marrë pjesë edhe ekipet e zjarrfikësve nga Deçani, të cilët iu bashkuan kolegëve të tyre nga Gjakova në përpjekje për lokalizimin e flakëve.
Pas disa orësh pune intensive, zjarri është lokalizuar dhe është shmangur rreziku i përhapjes së mëtejshme.
