Një ngjarje e rëndë është regjistruar mëngjesin e 7 shtatorit në Prizren, ku një foshnjë është dërguar pa shenja jete në spital.
Sipas Policisë së Kosovës, foshnja është sjellë në spital nga prindërit e saj, ndërsa mjeku kujdestar ka konstatuar vdekjen. Në vendin e ngjarjes kanë dalë njësitet përkatëse policore, ndërsa me urdhër të prokurorit, trupi i pajetë i foshnjës është dërguar në Institutin e Mjekësisë Ligjore për obduksion.
Organet kompetente kanë nisur hetimet për zbardhjen e plotë të rastit. Deri më tani nuk janë bërë të ditura shkaqet që kanë çuar në vdekjen e foshnjës.
