Situata në Himarë është përshkallëzuar mbrëmjen e sotme, teksa një zjarr i përmasave të mëdha po përhapet me shpejtësi dhe ka përfshirë edhe banesa në zonën e prekur.
Pamjet e siguruara nga redaksia e JOQ Albania tregojnë situatën alarmante në terren. Flakët kanë përfshirë banesa, ndërsa tymi i dendur ka mbuluar zonën.
Sipas informacioneve të mbërritura në redaksi, deri tani janë djegur të paktën 5 banesa, ndërsa rrezikohen shumë të tjera nga përhapja e flakëve.
Në terren ndodhen banorë dhe forcat zjarrfikëse, të cilët po përpiqen të luftojnë me flakët dhe të pengojnë përhapjen e tyre drejt banesave të tjera. Era e fortë po e vështirëson ndjeshëm ndërhyrjen dhe favorizon përhapjen e zjarrit.
Situata vijon të jetë kritike, ndërsa banorëve u është bërë thirrje të largohen nga zonat e rrezikuara.
