Një ngjarje e rëndë ka ndodhur në aksin rrugor “Çermë-Divjakë”, ku një 82-vjeçar ka humbur jetën si pasojë e një aksidenti automobilistik.
Sipas të dhënave paraprake, viktima është identifikuar si shtetasi Hyqmet Dervishi. Ai po udhëtonte me automjetin e tij kur, për shkaqe ende të paqarta, ka humbur kontrollin mbi drejtimin e mjetit dhe është përplasur fort me një shtyllë në anë të rrugës.
Menjëherë pas përplasjes, i moshuari është transportuar me urgjencë drejt spitalit për të marrë ndihmën e nevojshme mjekësore. Ndonëse mjekët u përpoqën ta shpëtonin, ai fatkeqësisht nuk u ka mbijetuar dot plagëve të marra dhe ka ndërruar jetë pak kohë më pas.
Në vendngjarje ka mbërritur grupi hetimor, i cili po punon për të kryer të gjitha veprimet procedurale dhe për të zbardhur rrethanat e plota se si ka ndodhur aksidenti.
Njoftimi zyrtar i Policisë:
"Në aksin rrugor 'Çermë-Divjakë', shtetasi H. D., 82 vjeç, duke drejtuar automjetin, ka humbur kontrollin mbi drejtimin e tij dhe është përplasur me një shtyllë. Si pasojë e përplasjes, shtetasi H. D. është transportuar në spital, ku më pas ka ndërruar jetë. Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit."
