Një qytetar ka dërguar në redaksinë e JOQ Albania një video nga zona e Laknasit, ku shfaqet gjendja e rënduar e lumit Lana. Në pamje duken sasi të mëdha mbetjesh të grumbulluara në shtratin dhe brigjet e lumit, duke krijuar një situatë shqetësuese për banorët.
Problematika bëhet edhe më shqetësuese në kushtet e temperaturave të larta, pasi mbeturinat dhe ujërat e ndotura mund të favorizojnë erërat e rënda dhe probleme higjieno-sanitare. Situata ngre shqetësime edhe për ndotjen e mjedisit dhe kushtet në të cilat ndodhet lumi.
Përmes videos, qytetari kërkon ndërhyrjen e institucioneve përgjegjëse për pastrimin e zonës dhe marrjen e masave për të shmangur grumbullimin e mëtejshëm të mbetjeve. Në kulmin e vapës, Lana në Laknas shfaqet e mbuluar nga plehrat, duke ngritur pikëpyetje për kujdesin ndaj mjedisit dhe higjienës publike.
