Presidenti amerikan Donald Trump ka dalë në mbrojtje të presidentit të FIFA-s, Gianni Infantino, duke deklaruar se largimi i tij nga posti do të ishte “një gabim i tmerrshëm”.
Deklarata e Trump vjen në një moment kur Infantino po përballet me presion të madh nga UEFA, Concacaf dhe AFC, të cilat e kanë akuzuar për thyerje të besimit lidhur me projektin e braktisur FIFA Forward Enterprise (FFE).
Projekti parashikonte krijimin e një kompanie të re për menaxhimin e të drejtave komerciale dhe të biletave të kompeticioneve të FIFA-s, përfshirë Kupën e Botës.
“Ai është fantastik. Nëse largohet, FIFA nuk do të jetë kurrë më po aq e suksesshme apo fitimprurëse”, shkroi Trump në rrjetet sociale.
UEFA ka kërcënuar me bojkotimin e kompeticioneve të FIFA-s dhe me veprime ligjore. Ndërkohë, sipas BBC Sport, tre konfederatat kanë zhvilluar diskutime paraprake për mundësinë e krijimit të kompeticioneve të shkëputura nëse Infantino qëndron në detyrë.
Infantino ka një marrëdhënie të afërt me Trumpin dhe në dhjetor 2025 i dha atij çmimin e parë të Paqes të FIFA-s.
