Qeveria ka vendosur të rikthejë nën administrimin e shtetit dy shërbime të tjera kryesore shëndetësore: kontrollin bazë të popullsisë (Check-up) dhe ofrimin e shërbimit të dializës. Me këtë vendim, autoritetet po u japin fund dy kontratave koncesionare me afat 10-vjeçar në sektorin e shëndetësisë.
Lajmin e bëri të ditur Ministrja e Shëndetësisë, Evis Sala, e cila sqaroi se kontratat e këtyre dy koncesioneve përfundojnë përkatësisht në shtator dhe nëntor të këtij viti dhe nuk do të rinovohen më.
"Shërbimi i check-up-it dhe ai i dializës do të merren në dorëzim dhe do të ofrohen nga shteti," deklaroi ministrja.
Përgjatë kohëzgjatjes së tyre 10-vjeçare, të dyja këto kontrata koncesionare i kanë kushtuar arkës së shtetit një faturë totale prej rreth 17.2 miliardë lekësh ose rreth 182 milionë euro me kursin aktual.
Më konkretisht, nga buxheti i shtetit janë paguar:
Marrja në dorëzim e Check-up-it dhe Dializës pason vendimin e mëparshëm të qeverisë për kthimin nën menaxhim shtetëror të një tjetër shërbimi të koncesionuar, atij të sterilizimit.
Koncesioni i sterilizimit i kushtoi buxhetit të shtetit mbi 150 milionë euro i vetëm, ndërsa sot ndodhet nën hetim nga SPAK si një procedurë ku janë konstatuar shkelje të rënda korruptive.
