Kompania me seli në Ferizaj “Sigma Crane & Transport” Sh.p.k., në të cilën punonte 26-vjeçari Ermal Sherifi, i cili vdiq si pasojë e rrëzimit të një vinçi të mërkurën në Prishtinë, ka reaguar të enjten.
Në një postim në rrjetin social Facebook, kompania ka publikuar një mesazh ngushëllimi për vdekjen e punonjësit të saj.
“Miq, Bashkpuntorë dhe Dashamirë, në emër të Familjës tonë me dhimbje të thellë ju shprehim ngushllimet më të sinqerta për vdekjen e rënde të bashkpuntorit tonë Ermal Sherifi”, tha kompania e cila është pronë e familjes Sylejmani nga Ferizaj.
“Lutemi për shpirtin e tij të bardhë që zoti ta meshirojë në gradat më të larta të Xhehnetit!”, thuhet në mesazhin e kompanisë.
“Familjes Sherifi ngushllimet më të sinqerta,Zoti ua lehtesoftë dhimbjen e ju a shtoftë durimin në këto momente!”.
