Pamela Qirko, motra e ish-zëvendëskryeministres Belinda Balluku, mbeti pa togë gjyqtari. Këshilli i Lartë Gjyqësor rrëzoi kërkesën e saj për t’u emëruar gjyqtare në Gjykatën e Apelit të Juridiksionit të Përgjithshëm.
Mesa duket, këtë herë mbiemri nuk mjaftoi. KLGJ vendosi se toga e gjyqtares nuk vishet me lidhje familjare, por me votë dhe meritë. Çfarë surprizë për sistemin!
Ndoshta kjo vjen nga “vjedhjet e shumta” të motrës, sepse në Shqipëri lidhjet familjare zakonisht hapin të gjitha dyert, madje edhe ato të drejtësisë. Por duket se kësaj here era ndryshoi.
Qirko, e cila ka qenë pjesë e proceseve të vetingut dhe kishte aplikuar për disa pozicione gjyqësore, u hodh poshtë bashkë me 9 kolegë të tjerë nga KPK-ja: Suela Zhegu, Firdes Shuli, Alma Faskaj, Brunilda Bekteshi, Olsi Komici, Valbona Sanxhaktari, Xhensila Pine, Etleda Çiftja dhe Roland Ilia.
Vendimi u mor në mbledhjen plenare të djeshme, duke u bërë një mesazh i qartë: jo çdo herë “motra e ministrit” kalon automatikisht.
