Një shtetas i Serbisë është arrestuar në Pikën e Kalimit Kufitar Bërnjak, pasi dyshohet se ka tentuar t’u japë ryshfet zyrtarëve policorë kufitarë për të hyrë në mënyrë të kundërligjshme në Republikën e Kosovës.
Sipas njoftimit të autoriteteve, ngjarja ka ndodhur më 15 qershor 2026, kur i dyshuari dyshohet se u kishte ofruar policëve kufitarë shumën prej 30 eurosh, me qëllim që t’i mundësohej hyrja ilegale në territorin e Kosovës.
Bankënotat e përdorura për ryshfet janë sekuestruar si dëshmi materiale, ndërsa i dyshuari është intervistuar nga organet kompetente.
Me vendim të prokurorit, pas përfundimit të procedurave fillestare, i dyshuari është dërguar në mbajtje, ndërsa hetimet lidhur me rastin janë duke vazhduar.
