Një incident është regjistruar sot në detin Jon, ku trageti që kryen linjën Korfuz– Sarandë nuk ka mundur të ankorohet në portin e Sarandës për shkak të kushteve të përkeqësuara të motit.
Sipas informacioneve paraprake, në det janë regjistruar dallgë shumë të forta, të cilat e kanë bërë të pamundur hyrjen e sigurt të tragetit në port. Për këtë arsye, mjeti lundrues është detyruar të ndryshojë kurs dhe të largohet, duke mos kryer ndalimin e planifikuar në Sarandë.
Në pamje mund të shihni se si edhe trageti me përmasa të konsiderueshme mezi i përballon dallgët e forta. Ndërkohë për momentin nuk raportohet për persona të lënduar apo për probleme në bord, ndërsa autoritetet detare pritet të japin më shumë informacion mbi situatën dhe rifillimin e lundrimeve normale në varësi të kushteve atmosferike.
