Organizuan vrasjen e Prendit dhe familjarëve të tij, SPAK merr të pandehur tre autorët

Sipas dosjes hetimore, plani kriminal nuk u realizua, pasi sapo grupi i atentatorëve ka hyrë në brendësi të fshatit, është përballur me reagimin e Aleksandër Prendit, i cili i ka sulmuar me armë zjarri. Për pasojë, atentati dështoi dhe autorët nuk arritën të ekzekutonin objektivin e tyre.

Prokuroria e Posaçme ka ngritur ndaj tyre akuzat për “vrasje në rrethana cilësuese” e mbetur në tentativë, “sigurim kushtesh dhe mjetesh materiale për të kryer vrasje” dhe “mbajtje pa leje të armëve”, vepra të kryera në kuadër të grupit të strukturuar kriminal. Hetimet për ngjarjen vijojnë, ndërsa SPAK po verifikon edhe persona të tjerë të dyshuar si pjesë e planit kriminal.