Një ngjarje e rëndë është regjistruar mëngjesin e së dielës në qytetin e Durrës, ku një 19-vjeçare ka humbur jetën pasi dyshohet se është hedhur nga kati i pestë i një pallati. Identiteti i të resë nuk është bërë ende publik nga autoritetet.
Sipas informacioneve paraprake, dyshohet se e reja ka qenë në gjendje të rënduar psikologjike përpara ngjarjes tragjike. Për pasojë, ajo ka ndërruar jetë në vendngjarje, ndërsa kalimtarët dhe banorët e zonës kanë njoftuar menjëherë shërbimet e emergjencës.
Policia ka mbërritur në vendin e ngjarjes dhe ka nisur hetimet për të zbardhur plotësisht rrethanat dhe shkaqet që çuan në këtë rast tragjik. Trupi i pajetë është transportuar për ekspertizë mjeko-ligjore.
