Aksident fatal në aksin Dimal-Berat, motori përplaset me ‘BMW’-n

Ngjarja ka ndodhur rreth orës 12:25, në afërsi të fshatit Otllak. Sipas të dhënave paraprake, një motor me drejtues 45-vjeçar është përplasur me një automjet tip BMW, që drejtohej nga një 34-vjeçare. Përplasja ka qenë e fortë, duke bërë që pasagjeri i motorit të hidhet në rrugë dhe të pësojë plagë fatale.

Viktima është identifikuar si shtetasi Adrian Azemi, 54 vjeç, i cili ka ndërruar jetë në vendngjarje si pasojë e goditjeve të marra.

Ndërkohë, drejtuesi i motorit, Alban Gajda, 45 vjeç, ka mbetur i plagosur dhe është transportuar me urgjencë drejt Spitalit Rajonal të Beratit. Burime spitalore bëjnë me dije se ai ndodhet jashtë rrezikut për jetën.

Në vendin e aksidentit ka mbërritur grupi hetimor, i cili po punon për të sqaruar rrethanat dhe shkaqet e sakta të ngjarjes.