E moshuara në Vlorë tenton t’i japë fund jetës, kërcënon se do hidhet nga ballkoni

Një ngjarje e rëndë është regjistruar në qytetin e Vlorës, ku një grua 80-vjeçare është kyçur në banesën e saj dhe ka tentuar t’i japë fund jetës. E moshuara, e cila jetonte e vetme, ka shkaktuar alarm tek banorët e zonës.

Ngjarja ndodhi në lagjen “Pavarësia 3”, ku për disa minuta ajo ka qëndruar në ballkonin e apartamentit në katin e tretë, duke kërcënuar se do të hidhej nga lartësia.

Në vendngjarje mbërritën menjëherë forcat e policisë dhe zjarrfikëses, ndërsa një efektiv i këtij shërbimi u ngjit me shkallë në banesë dhe arriti ta bindë të moshuarën të zbresë, duke shmangur një tragjedi.