Një 35-vjeçar ka humbur jetën mëngjesin e sotëm në lagjen nr. 13 të Durrësit, pasi dyshohet se është vetëplagosur me armë gjahu në banesën e tij. Ngjarja është regjistruar rreth orës 08:45.
I riu, me inicialet O. Sh., është dërguar me urgjencë drejt spitalit, por nuk ka arritur t’u mbijetojë plagëve dhe ka ndërruar jetë gjatë transportit. Rrethanat e plota të ngjarjes nuk janë ende të qarta.
Në vendngjarje ka mbërritur grupi hetimor, i cili nën drejtimin e Prokurorisë së Durrësit po punon për zbardhjen dhe dokumentimin e plotë të rastit.
