Mungesa e netëve prime të reality show shqiptarë këtë mbrëmje i ka shtyrë shumë qytetarë të kërkojnë “emocionin” në ngjarjen e fundit të ndodhur në Tiranë.
Aty ku në zonën e Farmacia 10, një pallat u përfshi nga flakët, duke krijuar skena të frikshme që banorët i përshkruajnë si “apokaliptike”. Tym i dendur dhe flakë të mëdha pushtuan godinën, ndërsa qytetarët u mblodhën poshtë, të tronditur, duke ndjekur nga afër zhvillimin dramatik.
Zjarrfikësit ndërhynë me shpejtësi, duke luftuar me intensitet për të vënë nën kontroll flakët dhe për të shmangur përhapjen e tyre në katet e tjera. Operacioni u ndoq me ankth nga dhjetëra qytetarë, të cilët qëndruan në distancë, por me sytë e ngulur tek çdo lëvizje.
As 2000€/m2 nuk e shtyn popullin të protestojë por vetëm të sodisë se si pallatet e parave të pisëta të ndërtuara me bukë-peshku shkrumbohen në flakë.
