Një zjarr i shpërthyer në dyqanin Rossmann&Lala në zonën e 9-katësheve në Tiranë ka shkaktuar panik te kalimtarët dhe banorët e zonës. Flakët kanë përfshirë pjesërisht dyqanin dhe janë shtrirë edhe në disa apartamente të pallatit ku ndodhet ky biznes.
Sipas pamjeve të publikuara, zjarri ka shpërthyer në orët e pasdites, ndërkohë që autoritetet ende nuk kanë dhënë një njoftim të saktë për dëme të mundshme apo të lënduar. Forcat e zjarrfikësve janë në vendngjarje dhe po punojnë për të shuar flakët dhe për të siguruar zonën.
