Një shqiptar që jeton në Greqi i është drejtuar redaksisë së JOQ Albania, ku kërkon ndihmë për gjetjen e babait të tij të zhdukur prej mëngjesit të sotëm në Tiranë.
Sipas dëshmisë së tij, i moshuari quhet Abdyl Elezi, 80-vjeç, dhe jeton në kompleksin Usluga, në zonën e ish-Stacionit të Trenit.
Ai është parë për herë të fundit pikërisht në këtë zonë gjatë orëve të mëngjesit, ndërsa që prej atij momenti nuk ka asnjë informacion për vendndodhjen e tij.
Familjarët bëjnë me dije se 80-vjeçari vuan nga skleroza, çka e bën situatën edhe më urgjente dhe shqetësuese, pasi ai mund të jetë i çorientuar dhe në rrezik.
Djali i tij apelon për ndihmë nga kushdo që mund të ketë informacion, duke kërkuar që çdo person që mund ta ketë parë apo ka dijeni për vendndodhjen e tij të kontaktojë menjëherë në këtë numër telefoni: +355 68 309 9802.
Çdo informacion, sado i vogël, mund të jetë vendimtar për gjetjen e tij.
Ndërkohë, familjarët u bëjnë thirrje autoriteteve dhe qytetarëve që të reagojnë sa më shpejt për të ndihmuar në lokalizimin e 80-vjeçarit.
