Një ngjarje e rëndë është shënuar pasditen e sotme në Pogradec, ku një vajzë 10-vjeçare është sulmuar nga qeni i një fqinji në lagjen nr. 4, pranë hyrjes së zonës së njohur si “Goricë”.
Sipas informacioneve paraprake, në momentin e incidentit pranë vendit të ngjarjes ndodheshin dy të mitura. Njëra prej tyre është kafshuar nga qeni, i cili më pas e ka tërhequr zvarrë për disa metra, duke i shkaktuar lëndime që kanë kërkuar ndërhyrje të menjëhershme mjekësore.
E mitura është dërguar në spitalin e qytetit, ku ndodhet nën kujdesin e mjekëve.
Banorë të zonës shprehen se qeni në fjalë ka qenë prej kohësh burim shqetësimi për komunitetin, duke pretenduar se janë bërë disa ankesa dhe thirrje për ndërhyrje, por pa u marrë masa konkrete nga pronari për të shmangur rrezikun.
Ngjarja është referuar për procedim penal, ndërsa pritet që autoritetet të zbardhin rrethanat e plota dhe të përcaktojnë përgjegjësitë për këtë incident të rëndë.
