Familjarët e Isuf Kurtajt i janë drejtuar redaksisë së JOQ Albania duke kërkuar ndihmën e qytetarëve për gjetjen e tij, pasi rezulton i zhdukur prej disa orësh.
Sipas tyre, 65-vjeçari nga Tirana, i cili vuan nga skleroza, është larguar nga banesa rreth orës 16:45 dhe që prej atij momenti nuk dihet më asgjë për vendndodhjen e tij.
Ai është parë për herë të fundit në zonën e Kompleksit Malajzian. Në momentin kur është larguar nga shtëpia, Isuf Kurtaj kishte veshur rroba gjumi ngjyrë gri dhe shapka jeshile.
Përditësim: Pas publikimit të rastit në JOQ Albania, 65-vjeçari është gjetur shëndoshë e mirë dhe është ribashkuar me familjen. Falënderojmë të gjithë qytetarët që ndihmuan në gjetjen e tij.
