Banorët e zonës pranë ish-stacionit të trenit në Vlorë denoncojnë gjendjen alarmante të rrugës ku jetojnë. Sipas tyre, rruga është e mbushur me gropa të mëdha, ujë të ndenjur dhe baltë, duke e bërë kalimin e këmbësorëve dhe makinave tejet të vështirë.
Situata është bërë shqetësuese, sidomos për fëmijët dhe të moshuarit, të cilët përballen çdo ditë me rreziqe të panevojshme. Banorët tregojnë se kanë bërë disa ankesa në Bashkinë e Vlorës, por deri tani nuk ka pasur asnjë ndërhyrje.
Ata i bëjnë thirrje Bashkisë Vlorë të marrin masa sa më shpejt, duke rregulluar ktë zonë e cila është kthyer në një gangrenë të vërtetë për banorët.
