Një studente e Fakultetit të Shkencave Sociale i është drejtuar redaksisë sonë për të denoncuar një problematikë që e ka hasur shpesh herë.
Ajo shprehet se në makinetat automatike ku shiten produkte ushqimore, ka rastisur disa herë artikuj të skaduar. Sipas saj kjo situatë është e përsëritur dhe e dëmshme, pasi konsumatorët që janë më së shumti studentët mund të rrezikojnë shëndetin pa e ditur. Studentja thekson se produktet e skaduara nuk duhet të lejohen të mbeten në qarkullim, pasi kjo cenon sigurinë ushqimore dhe besimin e konsumatorëve.
Ajo u bën thirrje institucioneve përgjegjëse që të kryejnë kontrolle të rregullta dhe të vendosin masa sanksionuese ndaj operatorëve që nuk respektojnë afatet e skadencës. Sipas saj, një monitorim më i rreptë dhe ndërgjegjësimi i përgjithshëm do të ndihmonin në parandalimin e rasteve të ngjashme në të ardhmen.
Denoncimi i studentes:
Përshëndetje! Jam studente e fakultetit te Shkencave Sociale dua të raportoj një problematikë të hasur shpesh pasi në makinetat ku shiten gjëra për të ngrën është e disata herë qe rastis në produkte te skaduara mendoj se duhet të merren masa
