Banorët e Vorës ankohen për gjendjen e rëndë të rrugës dytësore që lidh fshatrat dhe lagjet e qytetit.
Sipas tyre, pothuajse çdo ditë makinat dëmtohen nga gropat e shumta, ndërsa gjatë shiut situata bëhet edhe më e vështirë, pasi gropat janë të padallueshme.
“Përshëndetje JOQ! Nuk e di dhe sa vite të tjera kjo rrugë dytësore në Vorë do të jetë në këtë gjendje skandaloze. Më e keqja është se kur bie shi, gropat mezi dallohen dhe makinat ngelën në servis. Turp!”-shkruan qytetari.
Qytetarët kërkojnë ndërhyrje të menjëhershme nga bashkia e Blerim Sherës për riparimin e rrugës. Ata paralajmërojnë se nëse nuk bëhet asgjë, dëmet dhe rreziku për aksidente do të rriten ndjeshëm.
