Ish-ministri i Bujqësisë, Pylltarisë dhe Zhvillimit Rural, Faton Peci, po intervistohet gjatë ditës së sotme nga Prokuroria Speciale e Kosovës.
Sipas informacioneve të siguruara, ky intervistim nuk ka të bëjë me procese administrative, por Peci po dëshmon në cilësinë e të dyshuarit. Burimet bëjnë me dije se hetimet ndaj ish-ministrit janë përqendruar te mënyra e ndarjes së fondeve dhe subvencioneve në sektorin e bujqësisë gjatë mandatit të tij.
Dyshimet e organit të akuzës lidhen me parregullsi të mundshme në shpërndarjen e këtyre mjeteve financiare, të cilat kapin vlera të larta të buxhetit të shtetit.
Peci është duke u hetuar nga Prokurori Admir Shala.
