Interi triumfoi me rezultatin 0-2 ndaj Borussia Dortmund në sfidën e zhvilluar në Gjermani, por pavarësisht fitores, zikaltërit e drejtuar nga Cristian Chivu nuk arritën të siguronin një vend mes tetë më të mirave, duke u ndalur në fazën “play-off”.
Pjesa e parë u mbyll pa gola, ndërsa në minutën e 81-të ishte Federico Dimarco ai që zhbllokoi takimin me një eurogol nga goditja e dënimit. Për golin që vulosi përballjen mendoi Diouf në minutën 90+4.
Në fund, Interi e mbylli këtë fazë në vendin e 10-të të renditjes, ndërsa tani vëmendja është përqendruar te shorti i ditës së premte, ku do të mësohen kundërshtarët e fazës “play-off”.
