Sherr mes nxënësve në Sarandë, 13-vjeçari godet me thikë 15-vjeçarin

Një sherr mes nxënësve të një shkolle 9-vjeçare është regjistruar paraditen e kësaj të mërkure në Sarandë. Ngjarja ka ndodhur rreth orës 10:00, në ambientet e një shkolle jopublike në lagjen nr. 3 të qytetit.

Sipas policisë, gjatë një konflikti për motive të dobëta, një nxënës 13-vjeçar dyshohet se ka goditur me mjet prerës një të mitur 15 vjeç. I dëmtuari është transportuar në spital, ku ndodhet nën kujdesin e mjekëve dhe raportohet jashtë rrezikut për jetën.

Policia bën me dije se vijon puna për shoqërimin e autorit të dyshuar, si dhe për sqarimin dhe dokumentimin e plotë të rrethanave të kësaj ngjarjeje.