Një qytetar ka dërguar pranë redaksisë një denoncim të fortë, duke ngritur shqetësimin për papërgjegjshmërinë e disa këmbësorëve në rrugët e Tiranës. Rasti në fjalë ka ndodhur në Unazën e kryeqytetit, pak metra më poshtë nga Zogu i Zi, rreth orës 10 të mëngjesit.
Në video shihet një grua që kalon rrugën me fëmijën për dore, duke injoruar vijat e bardha që ndodheshin vetëm disa metra më poshtë. Ky veprim jo vetëm që shkel rregullat bazë të qarkullimit, por vë në rrezik jetën e saj dhe të fëmijës, duke i vënë gjithashtu drejtuesit e mjeteve në një situatë të vështirë dhe të padrejtë.
Qytetari shkruan:
“Përshëndetje JOQ. Çfarë faji kanë shoferët? Mirë vetë, por merr edhe fëmijën më qafë kur vijat e bardha janë pak metra më poshtë.”
Ngjarje të tilla janë gjithnjë e më të shpeshta dhe ngrenë nevojën për ndërgjegjësim të të gjithë përdoruesve të rrugës — jo vetëm drejtuesit e mjeteve, por edhe këmbësorët.
