Një emigrant nga vendet e Lindjes është gjetur i pajetë mëngjesin e sotëm në fshatin Drenovë të Korçës.
Kanë qenë banorët e fshatit ata që kanë konstatuar trupin e pajetë dhe kanë njoftuar menjëherë policinë. Ka dyshime se emigranti i moshës rreth 25-vjeç, mund të ketë ndërruar jetë për shkaqe natyrore pasi në trupin e tij nuk janë konstatuar shenja dhune.
Ashtu si shumë fshatra të tjerë në juglindje, edhe Drenova shërben si shteg për kalimin e emigrantëve të paligjshëm të cilët hyjnë në Shqipëri për të zgjedhur më pas destinacione të ndryshme në BE.
Korçë/Informacion paraprak
Më datë 18.04.2024, rreth orës 06:40, në fshatin Drenovë, Korçë, në rrugë, është gjetur i pajetë, një shtetas i huaj (dyshohet emigrant nga Vendet e Treta) rreth 25-30 vjeç. Nga këqyrja paraprake e trupit të viktimës, nuk janë konstatuar shenja dhune dhe dyshohet se ky shtetas, mund të ketë humbur jetën për shkaqe natyrale. Pritet ekspertiza mjekoligjore për të përcaktuar shkakun e vdekjes. Grupi hetimor vijon punën për sqarimin e plotë të rrethanave të ngjarjes.
