Katër shqiptarë, të dyshuar si pjesë e një grupi kriminal që kontrabandonte paratë kriminale nga Britania e Madhe në Shqipëri, janë arrestuar nga Agjencia Kombëtare e Krimit.
Të dyshuarit u arrestuan më 13 prill pas një seri bastisjesh të koordinuara që filluan me arrestimin e një shtetasi shqiptar 48-vjeçar në Dover.
Përafërsisht 390,000 £ para në dorë u sekuestruan në automjetin e tij, i cili dyshohet se ishte rrugës për në Shqipëri. Dy burra të tjerë, të moshës 34 dhe 22 vjeç, dhe një djalë 17-vjeçar u arrestuan në Tottenham Hale, Londër, dhe rreth 150,000 £ në para të gatshme u sekuestruan në një automjet të dytë.
Hetimi filloi në shkurt 2022 pasi Forcat Kufitare ndaluan 48-vjeçarin në kontrollet e tunelit të Channel në Folkestone, Kent. Brenda furgonit të tij Mercedes Sprinter, i cili ishte nisur për në Tiranë, oficerët gjetën gjithsej 390,000 £ të mbështjella në pako. Shtëpia e të dyshuarit në Haringey, Londër, u kontrollua dhe oficerët zbuluan 150,000 £ të tjera në para.
Ndërkohë që një 34-vjeçari shqiptar që ishte arrestuar më parë në shtator 2022, oficerët i zbuluan mbi 20,000 £ në makinën e tij. Në gusht 2023, u sekuestruan edhe 43,980 £ të tjera, të cilat besohej se ishin të destinuara për t'u transportuar nga grupi.
Të dy personat mbetën nën hetim derisa u arrestuan sërish të shtunën. Që atëherë ata janë liruar me kusht. 22-vjeçari dhe djali 17-vjeçar u lanë të lirë nën hetim në pritje të hetimeve të mëtejshme.
Oficerët besojnë se të arrestuarit punojnë për një kompani korrierësh legjitime, por e specializuar në transferimin e parave të paligjshme të bandave të tjera kriminale të drejtuara nga shqiptarët.
Four alleged members of an organised crime group that specialises in smuggling criminal cash out of the country and into Albania have been arrested in a National Crime Agency investigation.
— National Crime Agency (NCA) (@NCA_UK) April 15, 2024
Read the full story ➡️ https://t.co/36IxkALIan pic.twitter.com/euoD5Tktw2
