Një 52-vjeçar ka humbur jetën në Shkodër pasi shtëpia e tij është shkrumbuar nga flakët.
Ngjarja e rëndë ka ndodhur rreth orës 02:10, në lagjen Zogaj dhe banesa e 52-vjeçarit është djegur plotësisht nga flakët.
Për fat të mirë bashkëshortja e tij ka arritur të dalë në kohë nga shtëpia dhe ka shpëtuar pa lëndime.
Shkodër/Informacion paraprak
Rreth orës 02:10, në lagjen Zogaj, dyshohet se aksidentalisht ka rënë zjarr në banesën e shtetasit J. Ç., 52 vjeç, e cila është djegur plotësisht. Si pasojë e zjarrit, ka humbur jetën shtetasi J. Ç, ndërsa bashkëshortja e tij ka mundur të dalë nga banesa pa pësuar dëmtime nga zjarri. Grupi hetimor nën drejtimin e Prokurorit po punon për përcaktimin e shkakut të rënies së zjarrit.