Një ngjarje e rëndë ka ndodhur së fundmi në një kompani për shpërndarjen e pijeve alkoolike në Tiranë.
Një 54-vjeçare me iniciale K.B ka humbur jetën në vendin e punës pasi një punëtori gjatë sistemimit të disa paletave me një mjet pune pirun i janë rrëzuar dy paleta.
Burime për JOQ ALBANIA bëjnë me dije se këto dy paleta me birra kanë zënë poshtë punëtoren 54-vjeçare.
Fatkeqësisht pas një ndërhyrje më shumë se 5 orëshe, punonjësja ka humbur jetën në spital.
Për këtë ngjarje, policia ka arrestuar punëtorin që po sistemonte paletat me mjetin pirun.
Njoftimi i policisë:
“U arrestua R. S., 56 vjeç, banues në Tiranë, punonjës në një firmë për shpërndarjen e pijeve alkoolike. Ditën e djeshme, në ambientin e tij të punës, gjatë sistemimit të disa paletave me një mjet pune pirun, janë rrëzuar dy paleta të cilat kanë zënë poshtë shtetasen K. B., 54 vjeçe”.