Irani ka lëshuar drone në Izrael, deklaruan këtë të shtunë mbrëma Forcat e Mbrojtjes të Izraelit (IDF). Ata thanë se valës së sulmit i duhen disa orë të mbërrijë në Izrael.
Ky sulm vjen pas ditësh pritjeje teksa Irani po përgatitej të sulmonte Izraelin në shenjë hakmarrjeje për një sulm ku mbeti i vrarë një komandant i lartë iranian.
Kryeministri izraelit Benjamin Netanyahu tha se sistemet e mbrojtjes së vendit janë vendosur dhe se forcat e armatosura të Izraelit janë gati.
“Kam vendosur një parim të qartë, kushdo që na lëndon, ne do i kundërpërgjigjemi. Ne do të mbrohemi nga çdo kërcënim dhe do ta bëjmë këtë me gjakftohtësi dhe vendosmëri,”-tha ai.
